REA maidir le Tionscal na Conraitheoireachta Leictrí

Páirtithe i gComhaontú

Comhaontaíodh an REA seo ar son a mball, idir Comhlachas na gConraitheoirí Leictrí, An Comhlachas Conraitheoirí Leictrí (Éire) agus an Ceardchumann um Innealtóireacht Teicniúil agus Leictreachais, a chomhdhéanann le chéile an Chomhchomhairle Thionscail Náisiúnta  (NJIC) do Thionscal na Conraitheoireachta Leictrí.

Feidhmiú

Baineann sé le gach leictreoir agus conraitheoir leictreachais atá ag obair i dtionscal ginearálta na conraitheoireachta leictrí. Ní bhaineann sé le fostaithe i gcuideachtaí stáit agus leathstáit atá ag obair ar ghníomhaíochtaí cosúla agus atá clúdaithe ag comhaontuithe eile. Ní bhaineann sé ach an oiread le leictreoirí agus le printísigh atá fostaithe go díreach ag cuideachtaí déantúsaíochta do chothabháil ghléasraí na gcuideachtaí sin. Féach REA le sainmhínithe mionsonraithe a fháil ar gach catagóir clúdaithe.

Luach Saothair

Íosphá

Athraíonn rátaí íosphá ag brath ar rangú poist (m.sh. saoiste), fad seirbhíse sa tionscal agus cibé acu atá nó nach bhfuil fostaí cáilithe nó i bprintíseacht. Leagtar lánsonraí a bhaineann le rátaí reachtúla íosphá amach san REA.  

Rátaí Ragoibre

Bunaíonn an REA córas de theidlíochtaí ragoibre. Is é an riail bhunúsach ná go bhfuil fostaithe i dteideal ráta am go leith d’am oibre ar bith déanta ón ngnátham críche, Luan go hAoine, go dtí 12.00 meánoíche, agus am dúbailte ó 12.00 meánoíche go dtí gnátham tosaithe.

Tá na rialacha maidir le ragoibre difriúil le linn an deireadh seachtaine. Meánoíche ar an Aoine go dtí gnátham tosaithe ar an Satharn – am dúbailte. Gnátham tosaithe go dtí 12.30in ar an Satharn – am go leith. 12:30in ar an Satharn go dtí gnátham tosaithe ar an Luan – am dúbailte.

Leagann an REA rialacha ar leith amach maidir le teidlíochtaí eile ragoibre i ragoibre pleanáilte, tar éis glaonna uaire agus sealoibre.

Coinníollacha Fostaíochta

Uaireanta Oibre

Is 39 uair an chloig in aghaidh na seachtaine gnáthlíon na n-uaireanta oibre thar chúig lá, Luan go hAoine. Is iad na huaireanta oibre iad siúd idir 8.30rn agus 5.00in, Luan go Déardaoin go huile agus 8.30rn go dtí 4.00in ar an Aoine. Tá na huaireanta seo, an tréimhse lóin san áireamh, de réir athraithe trí shocrú leis an gceardchumann. Is féidir go mbeidh ar fhostaithe aontú ar thús luath, ach níor chóir don tús seo a bheith níos mó ná uair an chloig roimh an ngnátham tosaithe.

Tréimhsí Scíthe

Tá gach fostaí i dteideal tréimhsí scíthe de réir an Achta um Eagrú Ama Oibre, 1997. Sonraíonn an REA go bhfuil fostaithe i dteideal tréimhse lóin de leath uair an chloig. Nuair a dhéanann leictreoir ragoibre tar éis 12.00 meánoíche, beidh sé/sí i dteideal tréimhse scíthe 8 uair an chloig gan aon phá a chailleadh. Nuair a dhéantar níos mó ná 2 uair an chloig ragoibre, tabharfar sos 10-15 nóiméad le pá.

Laethanta Saoire

Tá saoire bhliantúil agus teidlíochtaí laethanta saoire poiblí de réir an Achta um Eagrú Ama Oibre, 1997. Tá fostaithe i dteideal freisin lá saor ar Aoine an Chéasta.

Caithfear fostaithe coicís de shaoire bhliantúla a ghlacadh sa samhradh, ceithre lá um Nollaig agus Aoine an Chéasta. Déanfaidh an NJIC na sé lá de theidlíocht atá fágtha a shocrú. B’fhéidir go n-athródh an rialtas áitiúil na dátaí saoire bhliantúla go léir, seachas an choicís éigeantach sa samhradh.  

Scéim Phá Breoiteachta

Tá gach fostaí níos sine ná 20 bliain d’aois agus a bhfuil seirbhís mhíosa ar a laghad acu i dteideal tairbhe a bhaint as Scéim Phá Breoiteachta. Luann an REA gur chóir don scéim seo a bheith cothrom maidir le sochair leis sin in REA an Tionscail Foirgníochta.

Éagsúil

Pléann REA le ceisteanna eile maidir le hobair thuaithe, tosú ar shuíomh, ballraíocht de cheardchumann, saoire mhéala, riachtanais uirlisí agus éadaí cosanta, chomh maith le modhanna íocaíochta, scéim phinsin agus stailceanna neamhoifigiúla. Tá soláthar freisin do tháille maidir le tréimhsí oibre déanta 40 troigh os cionn an talaimh. Féach REA le tuilleadh sonraí a fháil.