Uaireanta Oibre

Níor chóir d’fhostaí breis is 48 uair an chloig oibre in aghaidh na seachtaine a dhéanamh. Bá chóir an meánseachtain oibre seo á áireamh thar thréimhse de cheithre mhí. Tá roinnt eisceachtaí, áfach, don mheántréimhse seo.

Sosanna

Tá fostaithe i dteideal;

• Tréimhse laethúil scíthe de 11 uair an chloig leanúnacha i ngach 24 uair an chloig
• Tréimhse sheachtainiúil de 24 uair an chloig leanúnacha i ngach gach seacht lá, tar éis tréimhse laethúil scíthe
• Sos 15 nóiméad má dhéantar 4.5 uair an chloig oibre.
• Sos 30 nóiméad má dhéantar 6 uair an chloig oibre.

Ní riachtanas reachtúil é íocaíocht do shosanna. Tá roinnt tionscal clúdaithe ag Comhaontuithe Fostaíochta Cláraithe (REAanna) agus Orduithe Rialaithe Fostaíochta (EROanna), agus b’fhéidir go mbeadh rialúcháin ann maidir le sosanna.  

An Domhnach

Mura bhfuil sé sa ráta pá cheana féin, tá fostaithe i dteideal, go ginearálta, íocaíochta táille maidir le hobair ar an Domhanach, nó am saor in ionad le pá. Tá REAanna ag roinnt tionscal ina bhfuil rialúcháin ar obair an Domhnaigh. Mura bhfuil comhaontú comhchoiteann ann, ba chóir don fhostóir an comhaontú comhchoiteann infheidhmithe is cóngaraí a mheas, a bhaineann leis an obair chéanna nó chosúil faoi choinníollacha cosúla, a sholáthraíonn do tháille don Domhnach.  

Le tuilleadh eolais a fháil, íoslódáil ár dtreoirleabhar ar an The Organisation of Working Time Act, 1997

Lean an nasc chuig an reachtaíocht bhainteach; An tAcht um Eagrú Oibre

Is féidir gearáin maidir le pá nó le hasbhaintí a dhéanamh chuig an tSeirbhís Choimisinéara Chearta