ERO maidir le Léinteoireacht

Feidhmiú

Baineann an ERO seo le gach fostaí sa déantúsaíocht ó fhabraicí teicstíle de léinte, bónaí, cufaí, carbhait, pitseamaí, naprúin nó i ngach obair theagmhasach eile.

Ní bhaineann sé le déantúsaíocht fabraicí cniotáilte, cultacha níocháin buachaillí, éadaí do pháistí gan idirdhealú gnéis, ciarsúir, mionscairfeanna sróna, lámhainní, gearrstocaí, stocaí, speaitíní, lóipíní, boinéid, hataí nó caipíní (seachas caipíní cócairí agus caipíní barda ospidéal). Féach ERO le haghaidh sainmhínithe mionsonraithe ar gach catagóir clúdaithe.

Luach Saothair

Íosphá

Athróidh rátaí íosphá ag brath ar an gcineál oibre agus fad seirbhíse an fhostaithe. Leagtar lánsonraí a bhaineann le rátaí reachtúla íosphá amach san ERO.  

Rátaí Ragoibre

Tá fostaithe i dteideal ráta pá am go leith maidir leis na chéad cheithre uair an chloig do ragoibre ar lá ar bith, seachas an Domhnach, laethanta saoire poiblí agus uaireanta oibre déanta roimh an ngnátham tosaithe ar an Luan, agus ráta am dúbailte ina dhiaidh sin.

Tá fostaithe a dhéanann ragoibre ar an Domhnach agus roimh ghnátham tosaithe ar an Luan i dteideal ráta pá ag am dúbailte. Tá fostaithe a oibríonn ar laethanta saoire poiblí reachtúla i dteideal ráta pá am dúbailte chomh maith le lá in ionad le pá.

Coinníollacha Fostaíochta

Uaireanta Oibre

Is 39 uair an chloig in aghaidh na seachtaine gnáthlíon na n-uaireanta oibre d’fhostaithe lánaimseartha.  

Tréimhsí Scíthe

Tá gach fostaí i dteideal tréimhsí scíthe de réir forálacha den Acht um Eagrú Ama Oibre, 1997.

Laethanta Saoire

Tá teidlíochtaí do shaoire bhliantúil agus do laethanta saoire poiblí de réir an Achta um Eagrú Ama Oibre, 1997.

Scéim Phá Breoiteachta

Níl aon tagairt do Scéim Phá Breoiteachta san ERO.  

Éagsúil

Soláthraíonn an ERO freisin do choinníollacha speisialta maidir le tascobair/tascráta, am feithimh agus teidlíochtaí do phá seirbhíse. Féach ERO le tuilleadh sonraí a fháil.